شامية

Subject: شامية Sun Mar 14, 2010 6:31 am

مرة واحد كان عايش بضيعة

بيوم من الأيام نزل عالشام و بلش يتفتل فيها

بين الاسواق والمحلات و هون و هنيك
وهو بالطريق فات بوحده من حارات الشام القديمة

هذا من كتر ما مشي حس بالعطش
فكر انو يد ق باب شي بيت ويطلب منهم يسقوه
بس بينو وبين حالو كان عما يفكر و يقول
والله بيحكو عن أهل الشام انو بخلا ء وأكيد ما حدا رح يسقيني

المهم بعد حوار طويل مع نفسو قرر انو يدق على واحد من البواب....
فتحتلو وحده بتشبه فريال حماتو لعصام
قلتلو خير يا أخي شو بدك جايينا بطئة الشوب
قلها الله يوفئك أنا غريب عن الشام وعطشت
ودقيت عليكم الباب وقلت بركي بتسقوني
قالتلو إي ولو مو تكرم عينك والله فاتت على البيت
وجابتلو زبدية لبن باردة
هذا أخونا ما صدق على حالو حط الزبدية على تمو
وبدي يغب بهاللبن يغب لحتى خلص اللبنات

قلها يسلمو إيديكي بس بصراحة يا إختي ما كنت متوقع انو تسقيني
قلتلو أوف ليش بقا ؟؟؟
قلها لأنو بيحكو إنو إنتو بُخلا

قلتلو ولا يهمك يا أخي. بعدين هدول اللبنات جابون جوزي من شي جمعه وسلتت فيهم فارة قلت لحالي حرام--- منسقيك ياهن أحسن ما نكبهن
هدا لما سمع هيك انفلج ورمى الزبدية عالارض
قلتلو ولييييييييي عليك شو ما فيك خير

فوق ما سئيناك لبن

بتكسر النونية تبع الولد ؟!؟!؟!؟!؟!؟

Subject: Re: شامية Sun Mar 14, 2010 7:44 pm

يا ويلييييييييييييي شو هاااي ما طبيعية اي خلصت

» معتقدات شامية
» قصيدة غزل شامية