إبليس يقدم استقالته

Subject: إبليس يقدم استقالته Sun Mar 28, 2010 4:41 am

كان إبليس في غرفته ، يلملم ملابسه في حقيبة إلى جانب باقي متعلّقاته ... على المنضدة القريبة كانت استقالته موقّعة ومختومة حسب الأصول ، وبجوارها تقبع تيكيت إلى جزر القمر
كانت ملامح وجهه في تلك اللحظات تنطق بالحزن، والكآبة والإحباط ، واليأس ، وقلّة الحيلة

مع دهشة مزمنة ارتسمت عليه منذ فترة ليست بالقريبة، واعترافٍ بالعجز والفشل إبليس راحلٌ عن بلادنا إلى غير رجعة

فليفرح المؤمنون .... وين يا مسهّل؟ ليش عم بتضبّ غراضك
يا زلمي ماضلّلي قعدة عندكم، إلي سنين عاطل عن العمل وقرّبت موت من الجوع . ما
بلاقي معك سيجارة يا أخي ؟

ما رح أترك فيكم لا وسواس ولا خنّاس!!
كنت زمان أوسوس للواحدة تترك ابنها يبكي وهي عم تحكي مع جاراتها، هلأ صاروا لحالهميرموا اولادهم بالحاوية أوّل ما يجوا
كنت أوسوس للواحد ينسى يسمّي الله قبل ماياكل، هلأ بطّل حدا يلاقي شي ياكلو
يا زلمي.. إذا أنا إبليس... تسمّمت بالشاورما
كنت كمان بوسوس للشب يرميلو كلمة عالبنت وهي ماشية بالشارع، صاروا البنات يرمو عالشباب كلام أنا نفسي بستحي أحكيه

واحد بيسرق 100 مليون عينك عينك بيحبسوه 3 سنين بفيلاّ عالشط ، وإثنين عم بينبشوا بمكبّ الزبالة بتقوصهم الشرطة
إنتو بدّكم إبليس إنتوا ؟؟

صار عندكم فائض بالفساد بكفّي سنة لقدّام، صرت خاف على حالي منكم يا زلمي

صرت اتجبر مرّات وسوس بالمقلوب وقول للمسؤول إرحم. وللحرامي بيكفّي.. خلّي شويّ للحراميّة اللي رح ييجوا بعدك

يعني إذا إنتو لحالكن ما شاء الله بتعملوا كل هالبلاوي، إبليس شو أعمل ؟

أشتغل شوفير تكسي يعني ولاّ أفتح صالون حلاقة

ما ضلّ غير قدّم للأوقاف يعيّنوني إمام جامع أو راعي كنيسة

Subject: Re: إبليس يقدم استقالته Sun Mar 28, 2010 5:14 am

وائل

Subject: Re: إبليس يقدم استقالته Sun Mar 28, 2010 8:11 am

اي و الله قصة حلوة يسلمو .. اسمك وائل ههههههههههههههه Very Happy