ما هو افضل مضاد فايروس

Subject: ما هو افضل مضاد فايروس Sun Aug 29, 2010 11:36 pm

السلام عليكم .. ما هو أفضل مضاد فايروسات و ممكن تنزلوه بالمنتدى لإن جهازي كل يومين تلاتي عم أعملو فورمات و كل المشاكل من الفايروسات بدي برنامج يكون قوي و خفيف و نسخة أصلية ما هو افضل مضاد فايروس 116566

Subject: Re: ما هو افضل مضاد فايروس Mon Aug 30, 2010 6:27 am

والله أنا برأي المتواضع أفضل برنامج هو نسخة avg بس تكون نسخة 2007 لأن في ميزة انه مابيحزف الملف المتضرر وانما بحجز الفيروس وما بخليه بتمدد والحلو فيه كمان انه ما بيحزف اي شي عكيفه
بس الأهم من هيك لازم يكون جهازك حديث لأن البرنامج تقيل شوي عالجهاز بس والله مرتب وأنا مجربو وبنزله للأجهزة يلي بصلحها أو بفرمتها والكل عم يمدح منه
وردة

Subject: Re: ما هو افضل مضاد فايروس Mon Aug 30, 2010 7:26 am

هو مافينك تقولي انه هاد احسن انتي فايروس كل انتي فايروس في عدد معين من الفيروسات اللي بيقدر يلقطها يمكن ما يقدر انتي فايروس تاني يلقطها وبنفس الوقت في فيروسات هو ما بيقدر يلاقيها في برامج تانية بتلاقيها بس لحد الأن متل ما اتفضل الاخ عاشق الجنة AVG بيلاقي عدد كبير من الفيروسات والكاسبر كمان بس متل ما قلك الAVG تقيل شوي عالجهاز أما الكاسبر لا بس الفرق بيناتهن انه AVG بتاخديه ببلاش بينما الكاسبر لا
انا منزل عندي الكاسبر النسخة الاصلية كتير عجبني
بنسى الجهاز سنة كاملة ولا بفرمته ولا شي ولا بحس فيه
وسمعت انه رخصان سعره للكاسبر يعني 300 تقريباً سعره صار

عكل حال وقت تاخدي الجهاز وتفرمتيه قولي لصاحب المحل ينزلك انتي فايروس يكون يعمل تحديث من النت وانشالله بيقوم بالسلامة وما عاد يرجع لعند صاحب المحل غمزة

Subject: Re: ما هو افضل مضاد فايروس Mon Aug 30, 2010 8:17 am

شكرا كتير عاشق الجنة و محمد
طيب ممكن إنو تحطولي الكاسبر النسخة الأصلية بالمنتدى ولا صعبة ؟؟

Subject: Re: ما هو افضل مضاد فايروس Mon Aug 30, 2010 8:27 am

اي يا عيني شو هل الخبرات يلي عنا بالمنتدى و الله ماني عم أعرفكن

حطيلنا أديه سرعة معالجك و حجم راماتك ... طبعا ما إلك لجهازك لحتى نقلك شو تنزلي

Subject: Re: ما هو افضل مضاد فايروس Mon Aug 30, 2010 10:08 am

بانتظار ردك أختي رقية

Subject: Re: ما هو افضل مضاد فايروس Mon Aug 30, 2010 6:08 pm

السرعة : 3000
الذواكر : 1 غيغا

Subject: Re: ما هو افضل مضاد فايروس Mon Aug 30, 2010 9:12 pm

المواصفات المذكورة بيشتغل عليها avg بسهولة بس اضافة لما قاله الأخ محمد انه الكاسبر على حد علمي وقت بشوف اي فيروس بملف بأي برنامج معين بيحذفه بدون ما ينبهنا ووقت انت بتفوتي أكيد ما رح يشتغل البرنامج لأن رح يحذف المشغل الأساسي قصدي ملف exe

Subject: Re: ما هو افضل مضاد فايروس Mon Aug 30, 2010 9:38 pm

صح معك حق بيحذف لحاله
والAVG كمان نفس الشي بيمسح شغلات لحاله وكتير احيان ما بتكون فيروسات
من فترة كنت عند رفيقي بدي اشتري من عنده النسخة اصلية من AVG قام قلي بلاها مع انه سعرها اغلا من الكاسبر
سألته ليش قلي الAVG من فترة حزفله ملفات بالبايوس وضربله نسخة الوندوز كلها ما زبط الجهاز لحتى عمله أوف ديسك
مع انه هو كان من معجبين هاد البرنامج
متل ما قلت مافي برنامج كامل كان في avira ممتاز بس طلع بينزل معه spam وقت يعمل update
انا عفكرة متلك وقت بصلح أجهزة ما بنزل إلا الavg

Subject: Re: ما هو افضل مضاد فايروس Tue Aug 31, 2010 7:37 am

عم اسمع شغلات بحياتي ما سمعانتها شو هي spam ههههههههه

Subject: Re: ما هو افضل مضاد فايروس Tue Aug 31, 2010 10:24 am

spam نوع من انواع الفيروسات متل التروجان والمالوير والريسكوير
التروجان فيروس بيكون مدمج مع برامج للكمبيوتر
الريسكوير بيدخل عالجهاز عن طريق النت ومواقع النت
السبام كمان بينزل عن طريق النت وهو نوع تجسسي بيعملو للتجسس
وكله بالأخر بينزع الكمبيوتر
,ورح نزل موضوع عن قريب بشرح فيه كل نوع من انواع الفيروسات وضررهن وكيف بيوصلو عالأجهزة

Subject: Re: ما هو افضل مضاد فايروس Tue Aug 31, 2010 4:26 pm

شكرا محمد عالتوضيح .. طيب برأيكن مافي شي برنامج يكون قوي كتير و خفيف غير هل البرامج المعروفة و المشهورة .. يعني خلينا ندور على شي برنامج ويكون حصري بمنتدانا الغالي .. شو رأيكن بهل الفكرة الخطيرة Very Happy

Subject: Re: ما هو افضل مضاد فايروس Wed Sep 01, 2010 5:25 pm

AVG أفضل مضاد حتى الآن

ويلي بيقلكن إنو الـــ AVG عم يحزف ملفات من النظام و الألعاب و البرامج ومن هل الحكي
قولولوا بيكون هل الملف يلي حذفه الــ AVG مفيرس .. كيف يعني مفيرس ؟

يعني الفايروس دمج حالو مع هل الملف بحيث كل ما اشتغل هل الملف بيتفعل الفايروس و هل الظاهرة لاحظتا كتير بالفترة الأخيرة .. الفايروسات عم تدمج حالا مع ملفات الألعاب و البرامج و غيرا

هلء بالنسبة لتنزيل الــ AVG

يلي عندو جهاز بالمواصفات التالية :
2400 سرعة و 512 ذواكر
بيقدر ينزل النسخة 2008 و هي لحد الآن بتشتغل بكفاءة عالية بدون تحديث و بدون شي

ويلي عندو جهاز بالمواصفات التالية :
3000 فما فوق و ذواكر 1 غيغا
ينزل النسخة 2009

ويلي مواصفاته أقل من المذكورين أعلاه لا ينزل الـــ AVG
لإن رح يوصل لمرحلة يشيل الجهاز و يزتو عالشارع بسبب البطئ و التدئير

تمام لهون حبيباتي
هي ملخص عن طريقة عمل الـــ AVG .. و أنا أتحدى بهل البرنامج الكاسبر و الآفيرا و غيرن بسبب مشاكلن الكتيرة

ملاحظة مهمة جدا بخصوص المسنجر !!

يلي منزل نسخة مسنجر آخر إصدار و نسخة AVG 2009 رح يلاقي المسنجر عندو ما عم يدخل ليش يا ترى ؟
لإنو الــ AVG بيكون حاطط المسنجر ضمن قائمة البرامج غير المصرح بها و لذلك بإمكانكن تدخلو على الــ AVG و تشيلو التعليمة من جمب برنامج المسنجر لحتى يصير يشتغل بحرية .. ويلي ما عرف كيف يعملا يبعت رد هون بالموضوع و رح نبعتلو الطريقة بالتفصيل انشالله و رح ثبتلكن هل الموضوع ليصير نقاش مستمر عن آخر أنواع الفايروسات و طرق التخلص منها و آخر و أهم برامج الحماية بالسوق
يلا سلام يا حلوين ما هو افضل مضاد فايروس 461382

Subject: Re: ما هو افضل مضاد فايروس Wed Sep 01, 2010 9:21 pm

تم تثبيت الموضوع لأخر شهر رمضان المبارك Very Happy

Subject: Re: ما هو افضل مضاد فايروس Thu Sep 02, 2010 12:54 am

شو محمد صاير عم تثبت المواضيع و ماحدا أدك ما هو افضل مضاد فايروس 158526

رح حط مووضوع ثبتلي اياه خليني فرفش شوي ما هو افضل مضاد فايروس 195144

Subject: Re: ما هو افضل مضاد فايروس Fri Sep 03, 2010 7:50 am

بارك الله بكم جميعا و شكرا استاذ حسام على تثبيت الموضوع
و أنا أفضل أيضا برنامج AVG عن غيره

» برنامج صغير يجعل الفلاشة للقراءة فقط حتى لا يدخلها فايروس
» ما هو أفضل مضاد فيروسات على الإطلاق ؟؟
» اليك افضل النصائح لحياة ذهبية ترسم السعادة