شاب تتمناه كل فتاة

يحكى أن ..

مرة كان في شلة شباب قاعدين بنادي الغولف،

وكان في موبايل عالطاولة .. يرن يرن يرن

قام الزلمة حمل الموبايل وشغل السبيكر..

وقال: ألو ..

ردت الزوجة : أهلين عمري هيدا انا، أنت بالنادي صح؟؟

رد الرجل: ايه ايه..

قالتلو حبيبي انا بالسوق وشفت مانطو جلد بيجنن، حبيبي مش غالي بس $1000

قالها ولا يهمك حبيبتي اشتريه..

رجعت قالتلو:

وحبيبي كمان مرأت على معرض المرسيدس شفت سيارة مرسيدس 2009 بتجنن

حقها $150,000

قالها: بس؟ .. ولا يهمك حبيبتي اشتريها بس تكون فل أوبشن كمان.

قالتلو: حبيبي والبيت اللي كنا بدنا نشتريه السنة الماضية لقيتو معروض للبيع شو رأيك ناخدو .. معروض ب $550,000

قالها فاوضيهن حبيبتي واذا قبلو ب $540,000

اشتريه دغري!

قالتلو اوكي حبيبي يلا بحكي معك بعدين وبخبرك شو صار .. بحبك كتير.

الرجل : وانا كمان بحبك.. باي روحي
بس سكر الموبايل لقى كل اللي بالنادي عم يتطلعوا فيه مذهولين ومستغربين.

قام وسأل بكللللل براءة :

يا شباب حدا بيعرف مين صاحب هالموبايل ؟؟؟